Bânni Monteng Sakèlan

pixabay

Oleh : Nurul Fata

èbâkto mata’ar è onga’ è attassa gunung Baluran, kaulâ èpar èngi seneng bisa lân-jhâlânan, napa pol è è akhir telasan. Sepeda motor ètajâ’ santa’ egassa, bâng-tabângan sakancaan. Jâ’ saongguna kaulâ tako’ nompa’ sepeda motor ta’-santa’. èngghi, trauma. Sebeb ènga’ teros kejadian ebâkto kaulâ tabra’an.

Anginna ser-ngalesser ngancaè kaulâ selama è jhâlân. Kulâ arassa nyaman kalabân bâdâna ju-kajuân sareng bhungkana kopi s è ajâjâr è pènggir jâlân. Rassa cellep bân seju’ èkarassa.

“Jâ’ s ènga’na è bengko (Situbondo), kaju-kajuân ta’ èpogerri mi’ cellep padâna niko ghi ca’.” Caepon al è’ sapopona kulâ, Roif.

“èngghi le’, tap è ghi sulit mon èbengko, masalana semmak ka tas è’ dâjâ’ânna.”

Kera-kera jem digital se alengker e panggelengan tanang, ampon nunjuk eghi pokol 10.00 siang, kaule nyepper ka kanca binik e Disa Kampong Baru. Kaule ampon ajenji sabelunna jek amaina otabe nyepperra ka compokna Efrin, kanca binik se andik kebun kopi jugen e gunung ijen. Dhisa Kampong Baru nika, sangat asri, bennyak gembeng, ben sayor-sayoran kadie: Gobes, Wortel, Tarnyak, Sawi ben en-laenna. Engghi bedhe juge Stroberi. E kampong Baru, empean bekal nemu nyamana oreng-oreng se andik roma teppak e atas labeng beng-sebeng. Caepon malle tak posang oreng lain nyare alamat roma. Ben pole tak kera katemmo ka ajem ambher e Kampong Baru, passalla bilen e kassa’ bedhe aturan. Aturan kasebbut, engghi ka’dinto, pasera-pasera oreng se ngocol ajemma, maka ajem kassa’ ekocak ajem tadek seandik alias liar ben olle ebhelli.

Saampon abit tor-catoran, kaule sareng kanca alanjut perjelenan ka Kawah Wurung. Saampon depak ka tempat se etojju, kaule marker sepeda e bebena gerdhu. Kabut-kabut nyalemothi sakabbinna gunung-gunung. Agebei malesso ate ben mabhingung. Pangabesen kaule nyapo sakabbinna oreng-oreng se akunjung. Lakek-binik, toa-ngudhe, ratthi-gentheng tadek se pernung. Sanajjen bedhe se pernung jek cale, genika paggun ciptaanna se Maha Agung.

lebur ongghu, rassa seneng ben bhunga acampor aduk, moang jeuh-jeuh sathejena kasossaan ben kasompekkan.

“Lebhur ongghu ciptaanna Pangeran.” Kaator ocak deri jilena Farhan.

Saamponna mata’are ngalle geggerre jengbhejengan ka arah temor, kaule mangkat pole nojju ka arah Banyuwangi kota alebeti Kawah Ijen. Jek ongghuna tero nyepperra ka Kawa Ijen, tape bekto kassak e totop. E delem parjelenan, kaule tajhuk-jhug ka oreng lake’ ben bini’ sepeda motoran gonjengan.

“Cak, cobak geppa’.’”

“Napena egeppa’a?”

“Montengnga.” Cakna alekna kaule.

Kaule pagghun sareng Roif, alekna kaule, norok buntek sepeda motor se tompak lakek binik se gellek. Delem hal nika, termasok ebitong rajegke sareng kule sakancaan. Sebab, oreng binik se agunjeng nika andik montheng se ollena impor deri Spanyol. Tengngana cekkeng padena sobbluk, obukna akerbei lanjeng bek-kobe’en. Tak jarang bebinik genika mateppak kalembi pestepes se e yanggui. Tape pagghun bhei tak nemmo teppak se anyama kalambhina oreng binik sesettong. Agonjeng mossek matao montheng. Montengnga padena se ujulueghi ka budhi, tengnga sakonik maju ka adek malengkong, samba agelluk lalakekna, tak engak ka kalambhina jek ongghe toron, sampek kaule eparengi ngabesseghi kolek mulus delemma. Bisa-bisa aghibe bebeje ka settong bhereng se akolek se bedhe e delem sarong.

“Mon niko bhuru asli.”

“Asli napè, Lè’?”

“Asli benni montheng sakèlan, Cak. Mayu’geppa’ mon dhika bhengalan.”

“Bulâ tako’, dhina bengo’ ajâgâ’â bhini dhibi’, dâri gângguânna orèng.”

“Siah… Jhâ’ dhika kan ta’ andi’ bhini.”

“Ghi bile pon andi’, Lek.” []