Randhâ Ngalesser

pixabay

Oleh : Syaif Zhibond Renk Qobhien[1]

Alasan Lancèng Takaè’ sara sè nemmua jhudhu polana tako’ ka bâbini’, todus sè abinia, aromasa ta’ andi’ bâghibâ (dunnyah), korang parcajâ ka abe’na dhibi’ sampe’ polana ta’ lalakè’ alias impotent. Gara-gara mèkkèrra acâm-macâm, sampè’ omorra talebât dibâsa. Pas ajâlannaghi peribahasa indonesia “tak ada rotan, akarpun jadi”.omorra sè talèbât dibâsa pas tambâ sara sè nemmua jhudhu, pelian terakhir tekka’ ââ è ghârâb kia sèpenting merdeka dâri sebbuthân lancèng Takaè’.

Dâlâm settong pandangan, randhâ kadâng ecap jhubâ’ bâreng sabagian masyarakat Situbondo temor. Anape, polana randhâ gherua mantan binina oreng. Bâdâ se dâddhi randhâ polana epesah lakenan, bâdâ se polana edhina mate bi’ lakena. Sabâgian rajâ polana apesah bhâreng lakena polana masalah rumah tangga, padâna bede se agânggu rumah tanggana, atokar bi’ mattuana, bâlânjhâ ta’ cokop ban bânya’ penyebab laènna sè bisa madhâddhi rèng bini’ aranhdâ.

Tape bulâ sanonto acareta’a randhâ se biasa e sebbhut randhâ ngalesser. Mon dâri penjelasan eattas se anyama randhâ rua kan oreng bini’ se pon alâbhâlâ, pas apèsah bhâreng lakèna, baik èpesah polana masalah otabâ polana edhina mate bi’ lakena. Samentara oca’ ngalesser rua biasa e ocappaghi bi’ oreng ebekto e capo’ angin cellep se seggher makobessa ka oreng se dâlâm kabedâ’ân panas alias ojeng. Biasana angin se ngalesser makatondu oreng se ecapo’ anginna. Oreng se ecapo’ angin ngalesser tak terro mulia ka bengkona sakeng kobessana angin ngalesser. Nape mon AC rua korang kobessa mon ebhendingngaghi bhereng angin ngalesser. Cellep ongghu, kobessah maelang pekkeran se sompek.

Randhâ ngalesser rua pade bi’ angin. Rassana macellep orang se ngabes. Kobessa edheng-pandheng, ta’ terro jheue. Beremma ghi, mon bule abayangngaghi rua, randhe ngalesser rua macellep ka mata, matennang ka ate ben materro ka èber. Tekka’ pon esebbhut randhe, tape ghibe’enna rua lebih mabhunga ka ate etembheng paraben nyangsang. Mon e bhendhingngaghi, randhe ngalesser rua lebih tera’ sonarra etembheng paraben se omorra nyangsang ka jhâman.

Randhe ngalesser rua omorra ce’ ngeodena, bede se ghi’ omor lemabeles taon, nembheles, petto beles taon bede se sampe’ du polo taon. Bede se ghi’ tak andi’ anak, bede se pon andi’ anak settong. Keng, tekka’na pon andi’ anak, dhika mon nangale maste ngalodu’ eber. Polana nape, randhâ neko pon endi’ pengalaman se lebbih etembheng paraben. Utamana delem aromat abe’na. Paraben se nagghung, bisa kala sonarra ka randhe se ghi’ ngalesser. Tekka’ artis jakarta rua, mon nangghung, esalep kacer bi’ randhe ngalesser. 

Dhika ta’ kera parcaje, randhâ ngalesser rua paleng jhube’ enga’ cita-citata artis Jakarta se dhâdhi penyanyi. Gherua se pon paleng jhube’. Mon dhika tak parcaje, maddhe noro’ bule ngaleleng ka paseser Jhângkar, Narokan, Bhesokeh ben Membheh. Benya’ edinto randhâ ngalesser se odi’ kadhibi’en polana edhina lakena. Bede se etellak, bede se edhina matè. Bule tak tao berempa benyak datana, keng bule segghut katemmu ka tatangghe se pon randhe padahal omorra ghi’ ngode. Kadheng bule taghudhe ebekto nangale robena. Beh, marena ca’na oreng, gheniko pon randhe bhuru olle sataon.

Se tao persis berempa benyak randhâ engghi mon ta’ pengadilan agama, ngghi Badan pusat statistik. Le-bile parlo data randhâ se ghi’ ngode e publikasieghi bi’ pamarenta. Me’ pola bâdâ reng lake’ se senneng pas karaddhu langsung ekabin. Kan lumayan, bisa alebhâlâ pole.

Ca’na kancana bule se sanonto randhâ, mon dheddhi randhâ neko tak nyaman. Salaen e cap jhube’ bi’ oreng, odi’ dheddhi randhâ gherua berre’. Nape pole randhâ andi’ anak. Bapakna pas ta’ abelenjhei, bisa kaso kadhibi’en. Kemma se makanana’a anak, kemma se ngorosa biayana anak, misalla bede se pon asakola. Nah, Mon pas pamarenta bisa aberri’ jhelen de’ ka oreng lake’ se terro alebhele’e, mon cakna bule gheniko cokop a bhento. Polana mon tak pa’teppa’ todus mon pas randhe nyare lake. Umumma se nyare neko reng lake’. Mon pas pamarenta bisa aberri’ jhâlân ka orèng sè nyaria bini kan nyaman bisa lekkas paju.

Bâdâ ca’na papparèkanna rèng pasèsèr :

Andhâ ye andhâ

Bunter ye bunter

Dhina tekka’ randhâ

Sèpenting pagghun ngalesser

Sade’ ye sade’

Ekala’ èghângsia

Mon pon bulâ ende’

Pas dhika anapia

---

[1] Keturunan Adi Podei/ Agung Panembahan Sapudi