Si'ir Sang Nabbhi

 

freepik

Si'ir Sang Nabbhi

(Nada Thola'al Badru)

 Oleh: Fendi Febri Purnama

Pojhi slamet mongghu Ajunan,

Sè acajâ tar-kataran,

Pambhunggherrâ kasaèyan,

Nojjhu kasamporna'an.

 

Bhâbhârèpon è Onèyan,

Sonar tèra' ta' tangghungan,

Alam asapo' kabhunga'an,

Monjhung manossa pèlèyan.

 

Sang panerrossa nurbhuwât,

Pangentas ḍâri gherrât,

Nodhuwi jhâlânna tobhât,

Aghâghâman sahâdât.

 

Salèrana ongghu moljâ,

Marghâna ongkol bhâjjhrâ,

Kantos alam jhemjhem rajjhâ,

Sang lantaran parjhughâ.

 

Yâ Sayyidi Yâ Muhammad,

Pamokka' jhâlân sarè'at,

Ajunan Rosul panammat,

Bellâs sara ḍâ' ummat.

 

Pangèsto ta' mabi sarat,

Nolong klabân safa'at,

Lagghu' è dhina kèyamat,

Abdhina ako ummat.