Bâkto rowa, langè’ Kotta Kupang aropa tèra’na bulân bân komala sè abhârângè Royyan Julian. Resensi panèka aropaaghi catedhân kènè’ parjhâlânan Royyan Julian residensi ka Mollo, Kabupaten Timor Tengah Selatan, Nusa Tenggara Timor.Parjhâlânan èmolaè tangghâl 20 Oktober 2019 jhâm satenga sapolo malem è labâng Bandar Udara El Tari.
È kennengan jarèya Royyan ampon èyantos sareng Eric Lofa sè bhâkal ngèbâ Royyan ḍâri Kupang sampè’ ḍâpa’ ḍâ’ ka Kapan. Èsebbhutaghi jhâ’ salanjhânga parjhâlânan bânya’ jhâlân sè rosak. Mèla ḍâri ghâpanèka rèng-orèng Molo dhibi’ nyebbhut jhâ’ abâ’na nèka atoni pah meto, sè anḍi’ artè èngghi panèka, manusia bumi tandus.
È Mollo, Royyan bhâkal neptep è romana Dicky Senda sè aropaaghi budayawan ngoḍâ Molo. Dicky Senda jhughân aropaaghi sè maddhâk komunitas Lakoat.Kujawas sè ka’ḍimma anḍi’ ḍuwâ’ tojjhuwân: sè kapèng sèttong èngghi panèka èkaghâbây tempadhâ na’-kana’ ajhâr maca bân nolès (literasi). Tojjhuwân sè kapèng ḍuwâ’ èngghi panèka èkaghâbây orèng dhibâsa ajhâr aghâbây la-ola sè kènnèng jhuâl ḍâ’ masyarakat laènna, kantos paḍâ maḍâteng kaontongan.
Ḍâlâm parjhâlânanna e Timor, Royyan Julian bânya’ ajhâr ra-carana oḍi’ orèng-orèng Timor, tarotama bhâb ḍhâ’ârân. Orèng-orèng Timor sangât parcajâ jhâ’ ḍhâ’ârân panèka anḍi’ sokma, kantos pantang ḍâ’ ka rèng-orèng Timor awâng buwâng ḍhâ’ârân sè abân sarombân. Mowang ḍhâ’ârân èbhârâtaghi moso ta’ nyokkorè rajhâkkè ḍâri Pangeran.
Akhèrra, lopo otabâ sè kasambhât (rumah bulat) bân ume kbubu (lumbung bersama) jhughân èdhâddhiaghi kennengan sè sakral mongghu rèng-orèng Molo. Kalabân soghina alas è kènnèngan ghâpanèka, mèla ḍâri ka’ḍinto Dicky Senda majhâghâ komunitas Lakowat.Kujawas kaghâbây masyarakat dhisa sopajâ ajhâr ngarghâi alas bân ta’ sarombân arosak.
Oḍi’ sajhâlân bhârâng alas jhughân dhâddhi sèttong semboyan rèng-orèng Mollo ḍâlâm arabât alas sè ampon abârri’ kaoḍi’ân kantos poloan taon sè tapongkor. Mèla ḍâri ghâpanèka, bâḍâ kaḍhâddhiân dhemèn usahana pamarènta kaangghuy (tambang Bukit Nausus) ètolak sareng rèng-orèng Mollo lantaran sakabbhina parcajâ jhâ’ alas panèka aropa’aghi sombhâr kaoḍi’ân. Oḍi’ arabât tatombuân, kèbân, bân alam aropa’aghi sombhâr iman rèng-orèng Mollo. Orèng Mollo anḍi’ parèbhâsan èngghi ka’ḍinto: aèng aropa’aghi ḍârâ, bâto aropa’aghi tolang, tana aropa’aghi dhâghing, alas aropa’aghi kolè’, paru-paru bân obu’.
Info Buku
Judul: Melawat Mollo Melawat Pah Meto
Penulis: Royyan Julian
Penerbit: Julang
ISBN: 978-623-95178-5-4
Tebal: 30 hlm
Edisi: cetakan pertama, Juni 2022
Tinggalkan Balasan