Oleh: Fendi
Febri Purnama
Pètto Bellâs
Eppas
ghânjhil,
Èkasokanè
Pangèran,
Aghâbâyân
Bâlândhâ ghumighil,
Kaèlangan
sowarghâ sè akalotoran.
Bulân bâllu’
taon empa’ lèma’,
Mèra potè
ongghu èpasèpa’,
Indonesia
mardhika pon salpa’,
Langkep
panjhâjhâ pon rempa’.
Nèka lakar
pon karsa,
Raksa ḍâri Sè
Kobâsa,
Èkatarèma
sabbhilânna,
Panyata
ongghu bujud sokkorra,
Mardhika!
Bhuwât
Sabbhilân
bhângsa,
Ta’ locot ḍâri
ulama,
Manjhing
ongghu Indonesia,
Kadhunong
pojhur bhâjjhrâ saantèro polona.
Dhuwâ mandhi
ta’ potos,
Dhikkèr saktè
èbirjhi’ terros,
Bhinarèng
ghumatè,
Ta’ tako’
patè.
Tharat takbir
santrè,
Dhina tekka’
akarè’è tolang sè potè,
Ḍârâ mèra
ro’om sarenḍemman,
Tatengnger
nyata sè èsambhât kaèkhlasan.
Mèra Potè
Mèra tang ḍâra,
Potè tang
tolang,
Èbâkkèllaghi
tang manḍirâ,
Mera Potè!
Mèra patatak,
Potè paèsak,
Pakajâ sè
aorak,
Terrak
terrak.
Mèra mabâr,
Potè malathè,
Tegger
sabbhâr,
Marem soccè.
Ro’om
Soccè
Nyabâ sè
sakalèyan,
Ta’ mangmang
kaèlangan,
Ta’ atolè
polè kacèr kangan,
Sè pastè yakin
pon dhâddhi ghâghâman.
Èyombârâ
kabbhinna jhâpa,
Ètampel
sadhâjâ jhimatta,
Panjhâjhâ
kodhu nyèngghâ,
Ta’ mardhuli
ghilina ḍârâ.
Mosna
kabbhinna ro-serrowan,
Palèngpèngen
mèmès èyangghep maènan,
Ghârjhemman
ebbom ghun tè’-lètè’an,
Ro’om soccè ongghu
Sang Pahlawan.
79
Taon
Pon 79 taon
sè mardhika,
Ponapa
Indonesia pon ma’mor sadhâjâna?,
Tanya’aghi ka
pongghâbânâ!
Atanya ka
bâkkèl ra’yatta!
Sè pastè
terro nyata toron ka bâ-bâbâna.
Pongghâbâ
ngakan nyaman,
Ra’yatta ghi’
bâḍâ sè ta’ kadhu’uman.
Ollèya pèssè
saèbu ghi’ aropa kamalaratan.
Kèl-bâkkèl
ra’yat sè kapojhi,
Kaènga’è ghi’
bhuru nyarè kongsi,
Alarlar
abârbâr jhânjhi,
Kejjhâ’
âgghi’ bhâkal ètaghi.
Rèng
bungkaladhân dhumè’ ta’ ètangalè,
Kèng mon taḍâ’
ghânèko sapa dhika mèlè,
Moghâ 79 taon
nèko kèngènga ollè,
Ra’yat
Indonesia kèngèng Rahmatta Ghustè,
Tokang ngèco’
èkobhiri èpamatè.
Parantè Ḍâjâ,
è Malem kamardhika’an Indonesia sè kapèng 79.
TENTANG
PENULIS
Fendi Febri
Purnama Guru & Penggiat Bahasa Madura.
Tinggalkan Balasan ke Anonim Batalkan balasan