Puisi Madura: Sanja’

Jul 4, 2020

—

admin

in Fahrus Refendi, Puisi, Puisi Madura

Karya: Fahrus Refendi

Sakѐlan Só Patѐ

Mara kódhu bârâmma

Sѐ manyekkenna atѐ

Sópajâ tetep ѐnga’ ka
pangѐranna

Sabâlluna sakѐ’ bân patѐ

Abâ’ mólar

Kѐngeng kalerressan

Manóssa ampón dâpa’

Ka jhâman se bânya’ abârri’
calaka’

Lѐbar du’a’ bulâ

Kaangguy ngarep pastѐ

Malar móghâ ѐparѐngѐ saѐ

Sanajjân bâdân rómpal sakѐlan
só patѐ.

Coma Ate

Sósóp

Só mata

arѐ

Cóma

Atѐ

Sѐ

Bisa

Amastѐ’ѐ

Jhâ’

Patѐ

Ghu-óngghu

Bisa

ѐrassaѐ.

Pabhâghus bâlâ tor tatangghâ

Pabhâjhâng alakó

Mon ta’ ѐnga’ ka sѐ abârri’
lakó

Maka jhâu dâri kanyataan ѐstó

Sѐ sѐttóng pasarѐan
pamolѐan

Dâri dunnya sѐ ghun cóma
abârri’

Pangarebbhân sѐ kantós
lóntór

Dâunna jhâtѐ gâgghâr
aghârâbhâs

Nandhâi atѐ sѐ kódhu abâs

Dhâ’ sakalѐlѐng mabâghus
bâlâ tór tatangghâ.

Se ѐpѐntaa Coma ѐstona

Ta’ minta’a rópa

Ghun sѐ ѐpentaa ѐstóna

Dhâ’ dhika bulâ ghun bisa
abârri’ trѐsna

Sѐ kantós bilâ bhâi ta’
bisa ancór

Bânni ghun sakadhâr
pakabinan

Menangka padâ ajhânji
abhârengnga kantós padâ aóbânan

Maskѐa mardâ ampón
ngaranyap

Anginna ampón marempa’ lѐncak

Món sѐ kaduâ pagghun
abhârâng kantós rѐngsa

Pantang nyeppѐr sѐ anyama
pѐsa.

Dâ’ Dhika Sѐ Masang Lóka

Bulâ cóma minta’a
jhânjhina dhika sѐ lambâ’

Baktó aѐng mata padâ
aghârâbhâs acampór so ómbâ’

Dhika sѐ masang lóka

Dhika kѐya se ghun
ngapósѐ nguca’ perna

Sampѐ’ bulâ atanya dâ’âmma
dhika

Sѐ ѐlang neng adâ’na mata

Sampѐ’ sósóp mata arѐ

Bulâ pagghun nyarѐ.

BIODATA PENULIS

*Fahrus Refendi lahir pada 07 Juni 1998 dan merupakan mahasiswa
Universitas Madura Prodi Bahasa & Sastra Indonesia. Beberapa karyanya
berupa: cerpen, puisi, resensi, cernak, esai, dan artikel opini telah tersiar
di beberapa media cetak maupun daring. Sekarang menetap di Pamekasan Madura.

Facebook:
Fahrus Refendi

Instagram:
fahrusrefendi

Email:fahrusrefendi@gmail.com