Puisi Madura: Bânnè Gârimisen Polè

Oleh: Fendi Febri Purnama

 

RAJHEG

 

Rajheg bessè apapocok,

Kerras akerrès ongghu,

Rekka’-rekka’ rakèt ella oḍâr,

Kèrana lambâ’ la èlaor,

Tangghâ tepparo ella’ saghârâ.

 

Masaghi obbhârân tana mènangka tanḍhâ,

Bhuto sè butto ella bhânas,

Pangrasa jhâghât parlo ka padhâna,

Sèngko’ angghumo’ ḍâḍâ,

Mon ta’ sèngko’ sapa èson.

 

Rajheg aropa anggâ’,

Alarlar saongghuna abâ’,

Keddhâ’,

Ghâmbhâr pastèna kalèp,

Ghi’ èghutonga kèya.

 

 

 

NGAREMBENG

Asèla abâ’,

Alama’ tèker ra-kara,

È tanèyan lanjhâng lambâ’na,

Sè sanonto gheḍḍhung sè bulâ sanḍâri.

 

Ngenḍep bâgiyân ḍâri parnata,

Rèng Madhurâ tor toronna,

Sanonto ta’ atoran jâr-gânjir,

Ngarembeng ta’ èkarassa.

 

Tanèyan lanjhâng pon èlapès cètha’anna
lolo,

Ḍhutḍhut mala praoto ta’ tao bâkto,

Sè maghuli ta’ atoran ta’ atolè,

Ngarembeng aghili.

 

Sataon agghi’ bârâmma?

 

 

 

BÂNGKÈT

Bângkèt,

Mon tobâng ta’ burung sè akèkèt,

Ca’na jâi salèng partajâ,

Laèn natkala laèn oca’ teḍḍâ’na,

 

Kaju jhârân kodhu ghântè paèsan,

Ma’ na’na’ jhârnâ’ sapa rèya,

Ḍârâ, 
bâḍḍhâ bhâji’, mama’, embu’ èsènglaè ongghu,

Mon la sèngko’ iyâ sèngko’, ta’ usa bâ’na,

 

Tèngel ka bhuwâddhâ,

Jhâ’ rowa ka bidhina bhumè,

Tekka’ rèya oloranna tana haram,

Ghemmet ongghu bâ’na Cong Bhing!

 

 

 

TALAOR

Ta’ kabitong moncarra arè ḍâri tèmor,

Ta’ kaètong soroppa arè è bârâ’,

Dhunnya sajân towâ parana,

Tatèngkan tasellem kèya masèna.

 

Arossa nyosso’,

Ḍhâjhung ella bânnya’ sè bellâ,

Ghitèk ta’ burung nyèllem,

Nongngep nongkèlang ta’ atoran,

 

Tangkop lajârrâ,

Pola angèn abhânto,

Ngaopè pelka’ ahang ta’ nèng jâ-kajâ,

 

Sambi asango mangghâr bi’ ḍhâḍhung,

Talaor ongghu,

Perrèng malang è songay,

Pangambri ḍi malang sara’.

 

 

 

PAKONA

Sapèttong toron,

Ka bhungkèlla sakalè,

Ka ramo’ ghâsèngnga,

 

Taḍâ’ sowarghâna,

Yeg-pèyekkan pencarra ḍârâna,

Ghântèng colpè’,

Salang sènthem,

Patang coco.

 

Kelbhu’ nyabâ ta’ ajhi,

Ngembina ponakan ta’ mardhuli,

Obânna majhâḍhi’ ta’ èkaparlo,

Èdhiddhâ’ èkèppar èdhilbhâs,

Adhighâng adhighung adhighuna,

Pakona la nayyèng lajhu lebbhur ta’ akarè.

 

Parantè Ḍâjâ

Salasa, 13 Agustus 2024

7 Sappar 1446 Hijriah

 

 

 

Tentang Penulis

Fendi Febri Purnama Guru & Penggiat Bahasa Madura

Penulis


Comments

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Kakanda Redi Puisi

Puisi – Aviory

Apacapa

Ketika Media Sosial jadi Racun Sunyi

Ahmad Radhitya Alam Buku Ulas

Resensi Buku Dialog Hati Anak Negeri : Menggali Esensi Berkarya dari Sebuah Cerita

Mahabatush Sholly Resensi

Resensi: Seribu Kebohongan untuk Satu Kebahagiaan

Apacapa Ipul Lestari

Taman Hidup; Suatu Ketika di Tahun 2017

Apacapa Esai Tjahjono Widarmanto

Menghikmati Sejarah

Apacapa

Kuliner yang Digemari saat Ramadan: Rekomendasi Menu Favorit dan Makna di Baliknya

Penerbit

Buku: Kesiur Perjumpaan

Khairul Anam Puisi

Puisi: Manunggal Rasa

Ahmad Zaidi Buku Ulas

Ulasan Ugal-Ugalan tentang Romila dan Kutukan Ingatan

Apacapa

Yang Tidak Dilihat Firdaus soal Honorer Situbondo

Buku Putri Nur Fadila Ulas

Ketika Dewasa Itu Karena Terpaksa

Moh. Rofqil Bazikh Puisi

Kasidah Petani dan Puisi Lainnya Karya Moh. Rofqil Bazikh

Puisi

Sudamala dan Puisi Lainnya

Dani Alifian Puisi

Pesawat Kata dan Puisi-Puisi Lainnya Karya Dani Alifian

Cerpen Harishul Mu’minin

Cerpen: Ginjal Pembawa Kesedihan dan Penyesalan

Pantun Papparekan Madura Sastra Situbondo Totor

Pantun Madura Situbondo (Edisi 5)

Apacapa

Mengenang Sumur, Menatap Luka yang Curam

Apacapa Marlutfi Yoandinas

Bupati-Bupati Situbondo, Sudah Ya!

Resensi Thomas Utomo

Resensi: Perempuan Berdaya dan Benteng Ketahanan Keluarga