Puisi Madura: Bânnè Gârimisen Polè

Oleh: Fendi Febri Purnama

 

RAJHEG

 

Rajheg bessè apapocok,

Kerras akerrès ongghu,

Rekka’-rekka’ rakèt ella oḍâr,

Kèrana lambâ’ la èlaor,

Tangghâ tepparo ella’ saghârâ.

 

Masaghi obbhârân tana mènangka tanḍhâ,

Bhuto sè butto ella bhânas,

Pangrasa jhâghât parlo ka padhâna,

Sèngko’ angghumo’ ḍâḍâ,

Mon ta’ sèngko’ sapa èson.

 

Rajheg aropa anggâ’,

Alarlar saongghuna abâ’,

Keddhâ’,

Ghâmbhâr pastèna kalèp,

Ghi’ èghutonga kèya.

 

 

 

NGAREMBENG

Asèla abâ’,

Alama’ tèker ra-kara,

È tanèyan lanjhâng lambâ’na,

Sè sanonto gheḍḍhung sè bulâ sanḍâri.

 

Ngenḍep bâgiyân ḍâri parnata,

Rèng Madhurâ tor toronna,

Sanonto ta’ atoran jâr-gânjir,

Ngarembeng ta’ èkarassa.

 

Tanèyan lanjhâng pon èlapès cètha’anna
lolo,

Ḍhutḍhut mala praoto ta’ tao bâkto,

Sè maghuli ta’ atoran ta’ atolè,

Ngarembeng aghili.

 

Sataon agghi’ bârâmma?

 

 

 

BÂNGKÈT

Bângkèt,

Mon tobâng ta’ burung sè akèkèt,

Ca’na jâi salèng partajâ,

Laèn natkala laèn oca’ teḍḍâ’na,

 

Kaju jhârân kodhu ghântè paèsan,

Ma’ na’na’ jhârnâ’ sapa rèya,

Ḍârâ, 
bâḍḍhâ bhâji’, mama’, embu’ èsènglaè ongghu,

Mon la sèngko’ iyâ sèngko’, ta’ usa bâ’na,

 

Tèngel ka bhuwâddhâ,

Jhâ’ rowa ka bidhina bhumè,

Tekka’ rèya oloranna tana haram,

Ghemmet ongghu bâ’na Cong Bhing!

 

 

 

TALAOR

Ta’ kabitong moncarra arè ḍâri tèmor,

Ta’ kaètong soroppa arè è bârâ’,

Dhunnya sajân towâ parana,

Tatèngkan tasellem kèya masèna.

 

Arossa nyosso’,

Ḍhâjhung ella bânnya’ sè bellâ,

Ghitèk ta’ burung nyèllem,

Nongngep nongkèlang ta’ atoran,

 

Tangkop lajârrâ,

Pola angèn abhânto,

Ngaopè pelka’ ahang ta’ nèng jâ-kajâ,

 

Sambi asango mangghâr bi’ ḍhâḍhung,

Talaor ongghu,

Perrèng malang è songay,

Pangambri ḍi malang sara’.

 

 

 

PAKONA

Sapèttong toron,

Ka bhungkèlla sakalè,

Ka ramo’ ghâsèngnga,

 

Taḍâ’ sowarghâna,

Yeg-pèyekkan pencarra ḍârâna,

Ghântèng colpè’,

Salang sènthem,

Patang coco.

 

Kelbhu’ nyabâ ta’ ajhi,

Ngembina ponakan ta’ mardhuli,

Obânna majhâḍhi’ ta’ èkaparlo,

Èdhiddhâ’ èkèppar èdhilbhâs,

Adhighâng adhighung adhighuna,

Pakona la nayyèng lajhu lebbhur ta’ akarè.

 

Parantè Ḍâjâ

Salasa, 13 Agustus 2024

7 Sappar 1446 Hijriah

 

 

 

Tentang Penulis

Fendi Febri Purnama Guru & Penggiat Bahasa Madura

Penulis


Comments

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Fela Dila Mai Carolin Puisi

Puisi: Undangan Baru untuk Kekasih Lama

Andhy Kh Cerpen

Cerpen : Hujan di Paris Karya Andhy Kh

Apacapa apokpak fulitik N. Fata Politik

Melawan Pandemi dengan Sains, Bukan Arogansi Aparat dan Mati Lampu

M Firdaus Rahmatullah Puisi

Puisi-puisi M Firdaus Rahmatullah: Dermaga Panarukan

Apacapa

Yusuf and Beny Siap Menyambut Tour Manca Negara Pertama di Malaysia

Apacapa Moh. Imron

Udeng Jengger, Odheng Khas Situbondo

Apacapa Permata Kamila Situbondo

Arebba: Mendoakan Para Leluhur

Apacapa

Buku dan Perpisahan

Cerpen M Firdaus Rahmatullah

Cerpen: Ingatan tentang Sepasang Mata

Mored Moret Muhammad Iqbal Mukhlis

Puisi Mored: Labirin Rasa dan Puisi Lainnya

Kakanda Redi Puisi

Puisi – Aviory

Apacapa Gusti Trisno

5 Judul Skripsi Ini Membuat Situbondo Layak Menjadi Kabupaten Ramah Skripsi

Cerpen

Cerpen: Fragmen Ingatan

Apacapa Opini Sholikhin Mubarok

Ideologi dan Pandangan

Agus Karyanantio Apacapa

Menanggapi Hari Jadi Kabupaten Situbondo

Anwarfi Puisi Saiful Bahri

Puisi-puisi Saiful Bahri: Tubuh Ramadan

Pantun Papparekan Madura

Pantun Madura Situbondo (Edisi 7)

Busyairi Puisi

Puisi : Kerudung Biru Karya Busyairi

Apacapa Madura Totor

Sètan Nandhâng

Achmad Nur Apacapa

Pesantren di Tengah Cengkeraman Kapitalisme Global