Puisi Bahasa Madura: Bilâ Billâ

Bilâ Billâ

Ojhân kènè’,
Lajhu derres,
Dhâddhi rèḍu.

Nyenna tobu,
È la-sellana ḍuri,
Perrèng malang è songay.

Billâ massa’,
Towa ghâgghâr tèyar,
Sarenḍemman,
Ngalas lalas.

Ketthang bânnè bâlâtthang,
Tèrep sè terro taowa,
Karè lettè’ kolè’na,
Mon dhing bilâ .

Ḍâng Ḍi’ Ḍi’ Ḍâng

Pèsem ngalèmès,
Antem amès,
Aktèyan ngemmès.

Corpot manès,
Nès-kennès,
Èbhâddhâ’ mèmès.

Èyacèt ancèt,
Èrèt-tèrèt,
Merres mèrèt.

Ngabbhrâk,
Ngalèng,
Nabbhui ketthang atopèng,

Ḍâng ḍi’ ḍi’ ḍâng…
Ḍâng ḍi’ ḍi’ ḍâng…
Ḍâng ḍi’ ḍi’ ḍâng…

Nonto lotho,
Dhika tanto.

Tèta’

Ḍi’ḍi’ ḍinḍi’,
Tong cekka’ wâ’ nètèr,
Lo’ dhilèng pa’ dhimpa,
Ma’ èmpor.

Ajhâr akalènjâr,
Jhâ’ nèng palejjhâr,
Ta’ kèra rebbhu’ jhâjhâr.

Satèngka’ ḍutèngka’ tabukka’,
Bunga bhunga masat rèngsa’.

Ḍinna’ ngabhiru,
Ḍissa’ ngadhirâp,
Bângghi ta’ kèra lopot.

Ajhâr atèta’,
Ella bhândhung,
Lân-bulânan pasanan.

Ghâlâ

Tèmbhâng nyanḍâ’,
Nèmbhâng pao,
Pellok mèlo.

Kalèp konco’ carang,
Metthèk lajângan,
Co-loncowan.

Lid-jhulidhân,
Kennèng colek,
Calegghen.

Aghâlâ sarkajâ,
Ajurung jhâmbhu,
Bhuru kennèng anjhu.

Arnyang

Lètho’ lekko pathè kanèna,
Jhâ’ tangghung Ni’!
Jhâ’ rècè Cèng!
Ta’ lobâr mangghârrâ.

Rèken parèken,
Bitong pacalkong,
Ènthès lèlès,
Birâ’ pegghâ’.

Monyong konyong,
Lèthek sènthek,
Kopè’ nalpè’,
Rong-kèrong tapèrong.

Arnyang ngènyang,
Paè’ takaè’,
Nongkèrè’ cèrè’,
Cammay paypay.

Parantè, Sembagus, Situbândâ|
Satto Paèng, 15 Rejjheb 1447 H (06 Desember 2025)