Oleh: Dhafir Abdullah*
Nèka carèta, carèta takanta
Tapè hikmana kenning abâs è mata
Pèrengngaghi mallè toron rahmatta
Moghe manfaat dunnya kantos ahèratta
Ajjhi
solèh orèng sè palèng kaya
solèh orèng sè palèng kaya
Lakona
ghun pèra’ a foya-foya
ghun pèra’ a foya-foya
Bânnya’
dunnyana bânnya’ kèya binina
dunnyana bânnya’ kèya binina
Ongghâ
haji pon tak è temmu kalèna
haji pon tak è temmu kalèna
Kakananna nyaman bân kobâssa
Roma bân sabâna jhâ’ luassa
Kalambhina bânnya’ ta’ parlo nyassa
Sakèng cârrè’na orèng sa dhisa
Mun
nyator jhâ’ sombongnga
nyator jhâ’ sombongnga
Ajhâlân
jhâ’ angkona
jhâ’ angkona
Marènta
jhe’ kasarra
jhe’ kasarra
Angghui
tanang kacèrra
tanang kacèrra
Bâkto jhi salèh kaloar romana
Bâdâ bhurumain ta-minta
Nyambi mangko’ tambellen kalambhina
Ajjhi sè kaya kaulâ minta’a sadâkana
Ajjhi
salèh ajâwâb jhè’ kasarra
salèh ajâwâb jhè’ kasarra
Èngkok
rèya bènni èmbana bè’na
rèya bènni èmbana bè’na
Nyarè
pèssè jhât lakar sara
pèssè jhât lakar sara
Ma’
pèra’ mintaa bè’na jhè’ nyamanna
pèra’ mintaa bè’na jhè’ nyamanna
Bhurumain nâng ngânnâng mulaè ghâllè’
Pèssè sè e arâp nèka pon tadâ’
Toju’ ka râbbhâ mèsem alâ’ ghâllâ’
Ngangka’ tanang adhâbu ka sè lambhâ’
Alhamdulillah
alhamdulillah
alhamdulillah
Kasoon
ya Allah
ya Allah
Ta’
ollè rajhèkkè
ollè rajhèkkè
Dâri
ajjhi salèh
ajjhi salèh
Sobung sè palèng bânnya’ dèri abdhina
Narèma paparèng è sabbhân arèna
Sè è sèlèn ka atè sè sobung bâtâs
Muljâ polana tak kânning abâs
Ajunan
sè nyipta dunnya nèka kèni’
sè nyipta dunnya nèka kèni’
È
bhânding ahèrat dunnya nèka sakoni’
bhânding ahèrat dunnya nèka sakoni’
Mun
cârrè’ nganiajâ ka abâ’na dhibi’
cârrè’ nganiajâ ka abâ’na dhibi’
Bhâkal
è tanya è lagghu’ paghi’
è tanya è lagghu’ paghi’
Bhurumain nèka nyinglah pas èlang
Ajjhi salèh manjhâng sambi tacângngang
Kasta padâ bâdèâè dâlâm atè
Dunnyana sâolah sâolah pas sobung artè
Todussâ
dâ’ ka allah
dâ’ ka allah
Ta’
oning a sadâkah
oning a sadâkah
Todussâ
dâ’ ka allah
dâ’ ka allah
Sombong
dâlâm ibadah
dâlâm ibadah
Èngko’ rèya orèng kayana sa dhisa
Arapa ângko’sèpalèng rajâ dhusa
Ajjhi salèh athobhât sambi nangis
Arapa ângko’ amuljâ’ân pângâmis
Ajjhi
Salèh ajhânjhi dâlâm atè
Salèh ajhânjhi dâlâm atè
Jhânjhi
sè è èstoaghi sampè matè
sè è èstoaghi sampè matè
engko’
dhâddhiâ orèng asokkor
dhâddhiâ orèng asokkor
Mughâ
lagghu’ tak dhâddhi orèng tâkkor
lagghu’ tak dhâddhi orèng tâkkor
Mulaè ghânèka jhi Salèh aobâ
Anak bini èpakompol padâ bâdâ
Mun bâ’na târro masoa suarghâ
Mara dhunnya ka akhèrat rèya ghibâ
Pabânnya’
asadâka
asadâka
Abârri’
jhâ’ ka sângka
jhâ’ ka sângka
Pabhunga
rèya umat
rèya umat
Umat
nabi Muhammad
nabi Muhammad
Ajjhi Salèh bânnya’ asadâka
Odi’na pon mulaè sederhana
Ka orèng pon mulaè andhâp asor
Kadhi nèka carana orèng asokkor
Anakna
ngoladhi jhâ’ bhungana
ngoladhi jhâ’ bhungana
Nuro’
sederhana bân lambhâ’na
sederhana bân lambhâ’na
Ikhlas
tâkka’a tak èparèngi dhunnya
tâkka’a tak èparèngi dhunnya
Sè
pânting warisan èlmu aghâmana
pânting warisan èlmu aghâmana
Ajjhi Salèh dâddhi sandârân orèng bânnya’
Tapè hèranna dhunnyana sajân bânnya’
Ajjhi salèh wafat malâm jumat manis
Orèng sadhisa kaèlangan kabbhi nangis
Ontongnga
ajjhi Salèh
ajjhi Salèh
Dhâddhi orèng sè è pèlè
Dunnya
dâddhi akhèrat
dâddhi akhèrat
Dâddhi
orèng sè manfaat
orèng sè manfaat
Sânnângnga kanjâng nabi
Umat è èstoaghi
È suarghâ sè tèngghi
A sarâng kanjeng nabi
*) Penulis merupakan guru di Nurul Jadid
Tinggalkan Balasan ke Fendi Batalkan balasan