Lancèng Takaè’

pixabay

Oleh
: Syaif Zhibond Renk Qobhien[1]
Cakanca
bulâ neng Kapongan cè’ bhung
ganah, polana èbangunnaghi
taman bhâreng Pamarèntah Kabupaten Situbondo. Nyama tamanna, Taman lancèng.
Sabbhân malem bennya’ na
’-kana’ ngode apol-kompol
sambi nongkrong amaèn hape è taman lancèng. Mon èbes
–abes, kabbhi pade
seneng ka bâdâna taman lancèng. Bâdâ se update status neng facebook, Whatsapp bân
instagram sambi madhudhu fotona è bâkto amaèn e taman lancèng. Tadâ’ sè aromasa
èpamalo bhâreng bâdâna taman lancèng. Pas bâdâ sè atanya, ma’ bisa èkoca’ malo
mon bâdâ è taman lancèng ?
Nga’nèko
carètana. Dhika tao kan napè rua lancèng. Sè èkoca’ lancèng rua orèng lakè’ sè
pon dibâsa otabe para’ dibâsa sè omorra pon cokop kaangghui alâbhâlâ tapè ghi’
ta’ alâbhâlâ. Anapè mon na’-kana’ kèni’ ta’ bisa èkoca’ lancèng, polana omorra
ta’ cokop kaangghuy alâbhâlâ. Orèng sè pon tua tapè ta’ pernah alâbhâlâ bisa kia
èkoca’ lancèng, mon matè sabelun alâbhâlâ èsebbhut Ghendeng.
Umumma,
na’-kanak sè èkoca’ lancèng bhâreng orèng Situbondo rua sekitar molaè omor lèmabelles
taon ka attas. Anapè ma’ pas èkoca’ lancèng, polana rata-rata na’-kana’ se a
omor lèmabeles taon ghârua pernah amèmpè tedung bhâreng orèng bini’. Mon ca’na
carètana na
’-kana’ rua, rassana padâna
sè
ongghuen.
Tandhâ laèn dâri na’-kana’ sè pon lancèng rua mon nangalè rèng bini’ terro ngabâse
lebih abit. Mon bisa terro negghu’e, mon ca’na rèng mordâjâ rua èsebbhut Ghânjhâh.
Suarana molaè bek so’è rajâ. Neng è lè’èr kaluar bungkol bân molaè kaluar
songot tekka’ bâk rang-rang.
Na’-kana’ lancèng sè salah
kanca, ampo gelentang. Nèng è sakola’an ampo lanyala ka na’-kana’ bini’. Bâkto
ngajhi è langgher, molèna ampo arayu na’-kana’ bini’. Mon ngalèlèng nompa’ sapèda
buruna cè’ santa’na. Mon èsalaè ampo lekkas ngoso’ bahkan bisa sampè’ mokol. Ta’
sakoni’ na’-kana’ lancèng sè atokar bi’ kancana sampè’ acarok salèng pokol, salèng
tatta’ bân salèng cocco. Mon sala kanca, bisa amaèn nom-ènoman sampè’
mabuk/teler pas bilâ pon katemmu ka orèng ampo nyarè masalah. Ghârua na
’-kana’ lancèng sè salah
kanca.
Bulâ
ta’ acarèta’a lebih bânya’ soal na’-kana’ lancèng sè sala kanca, tapè soal lancèng
takaè’. Napè
rua
artèna lancèng pon marè è jellassaghi èattas bi’ bulâ. Sanonto napè sè koca’ takaè’.
Mon ca’na rèng kona, sè èkoca’ takaè’ rua tasendhât, para’ miripa bi’ nyangkè’.
Tapè takaè’ ta’ pas cè’ padâna bi’ nyangkè’. Mon takaè’ rua cekka’ kèng ta’ sa
abittheh. Mon nyangkè’ rua, cekka’ tak bisa leppas sa abittheh. Lebih ghâmpangnga,
takaè’ rua cekka’ sè samentara.
Lancèng
Takae’ rua bisa earteaghi oreng lake’ se pon dibesa otabe para’ dibesa se
omorra cokop kaangghui alâbhâlâ tape tak alâbhâlâ, penyebappah acem-macem.
Molae deri tako’ ka bebini’, todus se abinia, aromasa ta’ andi’ beghibe
(dunnyah), korang parcaje ka abe’na dhibi
’ sampe’ polana ta’ lalake’ alias impotent.
Bennya
’
alasan se dheddhi penyebab na
’-kanak lanceng ta’ alâbhâlâ. Se e
maksod lanceng takae’ rua lanceng se omorra takae’ ka jheman. Kodhuna pon alâbhâlâ,
tape polana alasan se ghelle
’ dhâddhi ta’ alâbhâlâ. Se
biasana pon andi’ bini, polana alasan ghelle
’ dhâddhi tak
abini. Sampe’ cakancana aberri’ sebbhuthen lanceng takae’.
Lanceng
takae’ paleng ngennes bile pon depa’ ka tellasan. Kancana se ampon abhâkalan
otabe alâbhâlâ rua pera’, polana e bulen tellas bhâkal ngalencera bhâreng bhâkalla
otabe binina. Tape para lanceng posang tak nemmu kanca se eajheghe ngalencer.
Bhekal tak endi’, nape pole bini. Se biasa dhâddhi korban rua kanca pade
lalake’na se pade lanceng. Ngajheghe bebini’ todus, ngajheghe reng tua todus
gia polana usiana pon dibesa. Kadheng bede se mele tedung e bengkona, tak
ajhelen de’emma’an. Bede e aokep e kamar sambi amaen hape otabe negghu tipi.
Ca’na papparekanna
Ka Madhurâ numpa’ kapal
Ka alas namen bhâko
Mellas onggu tandi’ bhakal
Dhing tellasan atoghu bângko
Poko’na mon dhâddhi
lanceng takae’ rua ce’ ngennessah. Tedung pera’ abhental goleng. Odi’ tade’ se
ngopeni. Ngakan tade’ se adhulengi. A foto tade’ se ngancae. Alako ta’ nemmu
sapa e belenjhei. Sossah ongghuh sossah, mon dheddhi lanceng takae’. Mangkana
de’ cakanca se pon maso’ lanceng, pasekat alâbhâlâ. Ambui apol-kompol e taman
lanceng. Mon dhika neko alâbhâlâ, kanca kompolla dhika rua keluarga e bengko.
Benni kanca pade lancengnga e taman lanceng. Se egheje’i rua binina. Se
belenjhei rua anak ben binina. Se emanja rua binina. Alako ghebei melle
beddhe’na bini.
Ca’na kancana bule,
mon pon alâbhâlâ rua nyaman. Tedunga bede se ngelloni. Ngakana bede se
amassa’aghi. Poko
’na
kobessah odi’ padena e suargheh.


[1] Keturunan Adi Podei/ Agung Panembahan Sapudi

Penulis


Comments

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Agus Widiey Puisi

Puisi: Amsal Sunyi

Cerpen Rumadi

Cerpen – Batas yang Direbutkan

Apacapa takanta

Takanta Para’ Ongghuen

Apacapa Rully Efendi

Mas Rio-Mbak Ulfi; Calon Pemimpin Situbondo yang Anti Mainstream

Puisi Zen Kr

Puisi : Moksa dan Puisi Lainnya Karya Zen Kr

Penerbit

Hai Situbondo

Resensi Ulas

Tanah Surga Merah: Menikmati Kritikan yang Bertebaran

Buku Farizzal Qurniawan Hendra Saputra Resensi Ulas

Resensi: Dilan 1983: Wo Ai Ni

Cerpen Uwan Urwan

Cerpen Seratus Perak

Dani Alifian Puisi

Puisi: Tamadun Semu

Cerpen Sheila Primayanti

Cerpen: Kehilangan Sebelum Memiliki

Banang Merah Cerpen

Cerpen : Untuk Perempuan yang Sedang Lari

Ahmad Zaidi Apacapa

Sebuah Usaha Menulis Surat Lamaran

Apacapa

Festival Literasi Situbondo: Wajah Baru Kotaku

Nuriman N. Bayan Puisi

Mata Darah dan Puisi Lainnya Karya Nuriman N. Bayan

Catatan Perjalanan Ngaleleng Nur Faizah Wisata Situbondo

Gunung Panceng Adventure

Apacapa Esai

Merawat Spiritualitas, Menghidupkan Politik Kebudayaan: Catatan Seorang Anak Muda untuk Mas Rio

Mohammad Ghofir Nirwana Puisi

Puisi: Aku Ingin Pergi ke Suatu Tempat yang Tanpa Sendu

Apacapa

Solois dan Gejala Sosial

Uncategorized

Puisi – Elegi Nasib Kami