Puisi Madura: Dika Kodu Tao Karya Agus Widiey

 

pixabay

Sanja’ Agus Widiey*

 

Dika
Kodu Tao

 

dika kodu tao,

baramma rassana ngampet
taresna

dhari lowas pangarep e ate

sampe’ bunga ta’ asat dhalem
mempe.

 

e nagara bula

dika eyanggebba sagara

se ta’ bangal edina nyengga

maske barat sajan raja

ban omba’ terros agudha.

 

dika kodu tao,

maske aeng tabar e songai bula
acampo

kalaban aeng accen se nyomber
dhari mata dika

ja’ kobater, esto e tang ate
ta’ kera lejjur padhana bato.

 

Topote, 2023

 

 

 

Tompangan

 

mabali tengka rassana berra’ onggu,

akantha berra’na bakto abajanga
sobbu.

 

ca’na bula

se aghabay rekong

gun bila nanggung kerrong

tape bila sanonto eker-pekker
pole

gi’ aberra’an tompangan se ta’
re-mare.

 

dhu, baramma

odhi’ arassa sella’ badha e
leggana.

 

Topote, 2023

 

 

 

Jalan
Se Rosak

 

edina

   etorot

apa badhana.

 

arassa!

         huhuy.

 

Topote, 2023

 

 

 

Bila
Apesa

 

apes rassana tang ate

bila se Kobasa ta’ aberri’
paste.

 

Topote, 2022

 

 

 

Ja’ Ngemmes

 

pajat malarat ngodhi’ana
dhapor

ta’ ngeppul mon gun taona
asokkor

kodu alako; mon menta todus
padha-badha

sabab pera’ ajulu tanang ban
oca’ mellas ekabandha.

 

apapole badha ca’-oca’an

“tanang e attas lebbi sae

etembang tanang e baba”

 

maddha alako pa-onggu angko

ja’ ngemmes, kaniserre ana’
poto

ban ja’ lesso se makalowara
pello.

 

Topote, 2023

 

 

 

Tanto
Dika Tao

 

pekkeran sajan rengsa

sajjegga jau dhari pepe alossa

aba’ se gun darma

matoro’ sokma ka roba pornama

maske mardhana seppe

paste teba e laen are ka
dhalem ate

sabab bungkana taresna

ta’ gun ngembang kabunga’an
saterossa.

 

tanto dika tao

e ranca’na ganeko

poko’ padha bisa koko

bula ban dika bakal acampo.

 

Topote, 2023

 

 

 

*Agus Widiey, Laher e
topote 17 Mei 2002. Kalowaran MI Darussalam Juruan Lao’, Kalowaran Mts sampe’
MA e Nurul Muchlishin, Pakondhang Rubaru, Songennep. Sanonto ajar noles e Jogjakarta.

 

 

Penulis


Comments

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Mored Rini Yulianti

Cerpen Mored: Sang Keramat Batu Pandhusa

M Firdaus Rahmatullah Mored Moret Puisi

Gunung Ringgit dan Puisi Lainnya

Puisi Syukron MS

Puisi: Waw

Diandra Tsaqib Puisi

Puisi: Stratocumulus

Apacapa Indra Nasution

Gepsos dan Kisahnya

Cerpen

Cerpen – Rindu

Mahadir Mohammed Puisi

Puisi: Dimensi Mimpi

Ahmad Maghroby Rahman Apacapa

Beberapa Alasan untuk Kaum Dâd-ngodâdhân Nyocco di TPS

game Ulas Yopie EA

5 Alasan Mengapa Kita Tidak Perlu Membeli PS5 Pro

Apacapa Esai Khossinah

Dari Secagkir Kopi ke Minuman Instan

Apacapa fulitik Muhammad Bayan

Mas Rio Bukan Caleg: Paket Komplit untuk Situbondo Masa Depan

Mahfud RD Puisi

Maret yang Bimbang dan Puisi Lainnya Karya Mahfud RD

Opini

Pendaki Fomo, Peluang atau Ancaman?

Apacapa Buku Junaedi Ulas

Reformasi Birokrasi Perwujudan Birokrasi yang Berbudaya

Apacapa Irwant

Situbondo Digilir…, Cinta

Apacapa Iip Supriatna

Tantangan Pendidikan di Era Millenial

game Ulas

Metal Gear Solid Delta: Sebuah Game Klasik Dengan Sentuhan Modern

Apacapa Catatan Perjalanan Uncategorized

Daun Emas Petani

Puisi Syafri Arifuddin Masser

Puisi: “Status 1: Apa yang Anda Pikirkan?”

Cerpen Iffah Nurul Hidayah Mored Moret

Cerpen Mored: Percaya