Pantun Marongghi

Gângan marongghi
Èkella sampè’ ngalkal
Aniat ngabdhi
Benni akal-pokal

Ghângan terrong
Ghângan marongghi
Mon kerrong
Torè apangghi

Maloko’na marongghi
Duh bârâmma sèndu’ânna
Ollèna teppa’ ka pangorbhi
Duh bârâmma ghellu’ânna

Ka jhubârâ’ mellèa ghulâ
Ta’ loppa mellè marongghi
Sokkor enḍâ’ dhika dâ’ bulâ
Napa bhâi pastè èmellèaghi

Nasè’ jhâghung
Ghângan marongghi
Mon bughung
Jhâ’ ghi-matèngghi

Ca’na senneng marongghi
Ma’ aobâ kalentang
Ca’na dhika soghi
Ma’ lako aotang

Nasè ghuring
èkoaè marongghi
Mowa pon glowing
Mayu siyommaaghi

Nasè’ pote
Koa marongghi
La ta’ potè
La ta’ andi’ ghi-ghi

Dâun marongghi
Dâun nangka
Bulâ seddhi
èdhina dhika

Kalèntang buâna marongghi
Patennang, ampon tapangghi

Dâun tarnya’
dâun maronggi
Otang bânya’
Jhâ’ ghi-masoghi

Ca’na mellèya tarnya’
Ma’ mellè marongghi
Mon sala ca’na paènga’
Mata’ ngèdingngaghi

Sa man-nyamanna tarnya’
Kala ka marongghi
Sa kal-cengkalanna na’-kana’
Kodhu pènter ngajhi