Takanta Para’ Ongghuen


Omorra takanta.id pon depa’ dutaon.
Mon manossa, omor dutaon gherua bur leburre nakkanak keni’. Pepena malembhung,
ngarte ka oreng se biasa ngembhen. Mon egheje’i lekkas aghelle’, Ekopa’e perak.
Ka eppa’ Ben emmakna pon molae ngarte. 
Maske nakkanak omor dutaon
neko lebur, tape oreng tua se ta’ latenan bisa abhellisen. Polana nakkanak
keni’ se omor dutaon ghi’ tak bisa akemmi dhibi’. Reng tuana ebekto ngembhen
ampo ekemmi’i. Kadheng ampo ekopadengi. Kasorra arassa bek laseng Mon tak e
lama’e plastik se tebbel. 
Takanta.id se omorra dutaon
neko ghi’ bur leburre egheje’i. Pepena molae malembhung, artena pon molae aesse
websithe. Benya’ oreng pon seneng ka takanta.id. Tape, de’ budi neko cakanca
kodhu molae ajher sabbher. Polana Mon omor dutaon korang neko Benyak
pengampunan. Mon ca’na ketap asasul Muttaqin gherua kemmina nakkanak omor para’
dutaon ghi’ termaso’ se dhemmang. Cukop eseram kalaben aeng se ngaler.
E omorra se pon dutaon, takanta.id
kodhu eopeni ongghu. Ponala pon para’ ajhere ajhelen. Tokang romatta 
takanta.id kodhu laten ngajheri
atengka’. Mon parlo ghebeyyeghi ondher malle lekkas santa’ ajhelen. Mon labu,
pajheghe pole. Sekali-kali ocol me’ pola bisa imbang ajhelen tanpa kodhu
tonton.
Biasana Mon pon omor dutaon
neko molae ajher nyebbhut nyama-nyamana oreng. Molae Deri eppa’, emma’, mimi’a,
mamma ben samacemma. Oreng tuana se aromat, jhe’ sampe’ ngoso’ Mon anakna lopot
nyellok, misalla nyelloka eppa’ teppa’ ka kata’, nyelloka emma’ teppa’ ka
mamat. Kodhu open Mon aromat nak-kanak keni’.
Dutaon neko bur-leburre. Jhe’
enghi 
takanta.id bhekal depa’ ka omor
lermellerra nakkanak. Oreng se bede e sekitar bayi 
takanta.id kodhu sabbher se ce’
sabbherre. Jhe’ sampe’ 
takanta.id raje delem kabede’en
katako’an. Olle ekerrase, keng jhe’ ras kerras. Ben jhe’ bu’ lembu’ malle ta’
manja. 
Mon bule ngarep ka bayi takanta.id
se pon para’ raje’e neko, padhuli ajher ajhelen. Ngakan pa benya’ malle lekkas
lempo, jhe’ loppa nginom vitamin malle bhedenna kuat ka panyake’. Jhe’ terlalu
manying, tekka’ na ghi’ bhurue ajher ajhelen, jhe’ nangis mon kadhepa’an labu.
Mon Dhika labu, tandhena pon para’ bisa’a ajhelen. Sakejjhe’ egghi’ malah bisa
berka’. Mon pon bisa berka’, tabeng rua pas kang 
mojokdotco bhereng Mbah tirtodotid se ca’na oreng pon
penter ajhelen. 
Robena Takanta.id pon molae
lebur. Benya’ oreng se sabelunna ta’ ngabes, sanonto pon alerek tekka’na bek
todus. takanta.id se ta’ Ongghuen, sanonto pon para’ ongghuena ongghu. Pangarep
bule, takanta id mendhere tambe dhibesa, pas bisa alebhele malle ta’ dheddhi
lanceng takae’. 

Oleh : Syaif Zhibond (tokang anjhu)

Penulis


Comments

2 responses to “Takanta Para’ Ongghuen”

  1. Mantabbbbbb, parak ongghuen ghi kang.

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Mohammad Ghofir Nirwana Puisi

Puisi: Aku Ingin Pergi ke Suatu Tempat yang Tanpa Sendu

Apacapa Mbak Una

Selamat Hari Buku Nasional

Apacapa Iip Supriatna

Keharmonisan yang Menghilang di 2019

Buku Resensi Ulas

Resensi: Aku Tak Membenci Hujan

Fathur Rahman Prosa Mini

Menanti Sebuah Tulisan

Cerpen

Cerpen – Rindu

Ienna katanny Prosa Mini

Sebuah Pilihan

Apacapa Politik Sainur Rasyid

Pilkada Situbondo: Kamu Pilih Siapa, Bro?

Pantun Papparekan Madura Sastra Situbondo

Pantun Madura Situbondo (Edisi 2)

Apacapa

Pilkada Situbondo dalam ‘Perang’ Musik Anak Muda

Cerpen Ira Atika Putri

Cerpen: Budak!

Cerpen takanta Wilda Zakiyah

Cerpen: Gerimis Kedua

Puisi Syamsul Bahri

Puisi: Di Atas Tanah

Apacapa fulitik

Menggugat Integritas Pejabat Publik

Apacapa Rahman Kamal

Petani itu Pekerjaan Paling Enak di Dunia, Tapi Kenapa Gak Diminati Gen Z?

Nuriel Haramain Puisi

Puisi: Alkisah Mawar Berdarah

Resensi Retno Restutiningsih

Resensi: Bandara, Stasiun, dan Tahun-Tahun Setelahnya

Prosa Mini

Cerita: Ikan Asap

Buku Penerbit Ulas

Buku: Embun yang Menari di Mataku

Achmad Nur Apacapa

Pesantren di Tengah Cengkeraman Kapitalisme Global